काठमाडौं। सरकारलेइलाम जिल्लालाई विपद् संकटग्रस्त क्षेत्र घोषणा गरेको छ।
बिहीबार बसेको मन्त्रिपरिषद् बैठकले इलाम जिल्लालाई तीन महिनाका लागि विपद् संकटग्रस्त क्षेत्र घोषणा गरेको सरकारका प्रवक्ता जगदीश खरेलले जानकारी दिए।
विपद् जोखिम न्यूनीकरण तथा व्यवस्थापन ऐन, २०७४ अनुसार इलामलाई तीन महिनाका लागि संकटग्रस्त क्षेत्र घोषणा गर्ने निर्णय भएको हो।
गत साता परेको अति भारी वर्षाका कारण उत्पन्न पहिरो तथा बाढीका कारण इलाममा सबैभन्दा बढी मानवीय क्षति भएको छ। खासगरी पहिरो र बाढीका कारण इलाममा ३९ जनाको मृत्यु भएको छ भने २६ जना घाइते भएका छन्।
