काठमाडौँ। नेपाल औषधि आयातकर्ता संघ (मीयान) का अध्यक्ष पवन आचार्य नेपाली कांग्रेसको महाधिवेशन प्रतिनिधिमा निर्वाचित भएका छन्।
आचार्य कांग्रेसको १५ औँ महाधिवेशनका लागि भएको महाधिवेशन प्रतिनिधि चयनको निर्वाचन प्रक्रियामा दाङबाट निर्वाचित भएका हुन्। उनी दाङ क्षेत्र नम्बर २ बाट खुला तर्फ उम्मेदवार बनेका थिए।
महाधिवेशन प्रतिनिधिका लागि सो क्षेत्रबाट कुल २८ जना उम्मेदवार बनेकोमा १० जना निर्वाचित हुँदा आचार्य त्यसभित्र अटाएका हुन्।
निर्वाचित बनेलगत्तै आचार्यले सामाजिम संजालमार्फत निर्वाचन प्रक्रियामा सहभागी क्षेत्रीय प्रतिनिधि, शुभचिन्तक, अग्रज लगायत सबैलाई आफुलाई महाधिवेशन प्रतिनिधि निर्वाचित गराएकोमा धन्यवाद ब्यक्त गरे।
