काठमाडौं। पत्रकाठमाडौं महानगरपालिकाले पूर्वराजा ज्ञानेन्द्र शाहलाई ७ लाख ९३ हजार जरिवाना तोक्दै पत्र काटेको छ।
शुक्रबार भएको राजावादी समुहको प्रदर्शनका क्रममा काठमाडौं महानगरका विभिन्न क्षेत्रमा क्षति पुगेको भन्दै पुर्वराजा शाहलाई महानगरपालिकाले शनिबार आठ वटा पत्र काटेको हो। शाहका नाममा काटिएका पत्रमा जरिवानाको विभिन्न शीर्षक राखिएको छ।
महानगरले फोहोरमैला, बोट विरुवा तथा रेलिङमा क्षति, वारुणयन्त्रमा क्षतिलगायत शीर्षकमा जरिवाना गरेको हो।
महानगरले वातावरण तथा प्राकृतिक स्रोत संरक्षण ऐन २०७७ र काठमाडौँ महानगरपालिकाको आर्थिक ऐन बमोमिज जरिवाना गरिएको बताएको छ। जसमा एक पत्रमा १ लाख ३० हजार, ६ वटा पत्रमा १ लाख तथा एक पत्रमा ६३ हजार जरिवाना तोकिएको छ।
