भक्तपुर । नेपाल मजदुर किसान पार्टी (नेमकिपा) को किल्ला मानिएको भक्तपुर क्षेत्र नम्बर १ मा राष्ट्रिय स्वतन्त्र पार्टी (रास्वपा) का उम्मेदवार रुकेश रञ्जित विजयी भएका छन् ।
अन्तिम मतपरिणाम अनुसार रञ्जितले ३३ हजार ४३६ मत प्राप्त गर्दै जीत हात पारेका हुन् । उनका निकटतम प्रतिद्वन्द्वी नेपाल मजदुर किसान पार्टी (नेमकिपा) का प्रेम सुवालले २८ हजार १४७ मत प्राप्त गरे।
२०४८ सालदेखि नेपाल मजदुर किसान पार्टी (नेमकिपा) ले जित्दै आएको यो क्षेत्रमा यस पटक भने परिणाम फेरिएको छ । मतगणना सुरु भएदेखि नै रास्वपाका उम्मेदवार रञ्जितले लगातार अग्रता कायम गर्दै अन्ततः जित हात पारेका हुन् ।
