धादिङ। चट्याङ लागेर धादिङमा १ जनाको मृत्यु भएको छ।
धादिङको त्रिपुरा सुन्दरी ३ मुलपानीमा बस्दै आएकी गोरखाको शहीद लखन गाउँपालिका ८ की १२ वर्षीया दिलासा घर्ती मगरलाई मंगलबार दिउँसो ४ बजे चट्याङ लागेको थियो।
लगत्तै उनलाई उपचारका लागि आरुघाट आधारभूत अस्पताल ल्याइएको थियो। अस्पताल ल्याउँदा नै उनको निधन भइसकेको अस्पतालले जानकारी दिएको हो।
सोही घटनामा १३ वर्षकी दीक्षा घर्ती मगर र २४ वर्षका वीरेन्द्र थापामगर घाइते छन्।
उनीहरूको आरुघाट आधारभूत अस्पतालमा सामान्य उपचारपछि थप उपचारका लागी काठमाडौं पठाइएको छ।
उनीहरूको मुटु र स्नायुमा समस्या हुन सक्ने अनुमान सहित अनुगमन आवश्यक भएकाले काठमाडौं रिफर गरिएको मेडिकल अधिकृत डा कुशल अधिकारीले जानकारी दिए।
