काठमाडौं। कागेश्वरी मनोहरा नगरपालिकास्थित श्री आनन्द भैरव माध्यमिक विद्यालयमा आयोजित स्वास्थ्य शिविरमा ८०२ जना विद्यार्थीले स्वास्थ्य सेवा लिएका छन।
आइतबार आयोजित स्वास्थ्य शिविरमा विद्यालय स्वास्थ्य कार्यक्रम अन्तर्गत वडा नम्बर-७ मा अवस्थित विद्यालयका छात्रछात्राले स्वास्थ्य सेवा लिएका हुन् ।
सो संख्या मध्ये ७७५ जनाले ओपिडी सेवा, ७५८ जनाले दन्त सेवा, ७६१ जनाले आँखा जाँच सेवा र १८ जनाले मनोपरामर्श सेवा लिएको नगरपालिकाको स्वास्थ्य शाखाले जनाएको छ।
स्वास्थ्य शिविरमा विद्यार्थीको स्वास्थ्य अवस्थाअनुसार औषधी पनि वितरण गरिएको थियो।
