काठमाडौं। चन्द्रागिरी नगरपालिकाको आयोजनामा चन्द्रागिरी नगरपालिकाको मातातीर्थमा पाइल्स, फिस्टूला, फिसर लगायतका समस्याहरूको परिक्षण हुने भएको छ।
नगरपालिकाले बिहीबार मातातीर्थ आयुर्वेद तथा वैकल्पिक चिकित्सा अस्पतालमा विशेषज्ञ डाक्टरद्वारा ती परिक्षणहरु गर्न लागेको हो।
नगरपालिकाका शाखा अधिकृत दामोदर रिजलका अनुसार विभिन्न गुद्वागत समस्याहरुको नि:शुल्क परिक्षण तथा औषधि वितरण हुने छ। नगरपालिकाले त्यस्ता समस्या भएका बिरामीहरुलाई सेवा लिन आउन पनि आग्रह गरेको छ।
