काठमाडौँ। नेपाल रेडक्रस सोसाइटीद्वारा भोटेकोशी बाढी प्रभावित जिल्ला नुवाकोटको विदुरमा आपतकालीन क्लिनिक सुरु गरिएको छ।
नेपाल रेडक्रस सोसाइटीले विदुर नगरपालिकामा रेडक्रस आपतकालिन क्लिनिक मंगलबारबाट सुरु गरिएको जनाएको हो। शिविर सुरुवातको पहिलो दिन ५१ जनाले सेवा लिएका छन्।
सोसाइटीले त्रिशुली अस्पताल, जनस्वास्थ्य कार्यालय नुवाकोट, विदुर नगरपालिका स्वास्थ्य शाखासँगको समन्वयमा क्लिनी सुरु गरेको हो।
क्लिनिकमार्फत स्वास्थ्य सेवा लिने ब्यक्तिहरु विभिन्न स्वास्थ्य समस्याबाट पीडित रहँदै आइरहेका छन्। उक्त शिविर भोली विहान ९ बजेदेखि पुनः सञ्चालन हुने छ।
