काठमाडौँ। वीपी राजमार्ग पूर्णरुपमा अबरुद्ध भएको छ। मंगलबार राति परेको वर्षाका कारण बाढी आएपछि वीपी राजमार्गको दुई ठाउँमा सडक अवरुद्ध भएको हो।
सडक डिभिजन कार्यालय भक्तपुरका प्रमुख सुमन योगेशका अनुसार राजमार्गको चारसय बेसी र कटुन्जेमा डाइभर्सन बगाएको छ। जसका कारण राजमार्ग भएर चल्ने सवारीसाधन चल्न सकेका छैनन्।
उनका अनुसार अबरुद्ध सडक खुलाउने प्रयास जारी रहेको छ। सडक विभागले मेशिन प्रयोग गरेर अवरोध हटाउने काम गरिरहेको उनको भनाइ छ।
वर्षाका कारण सडक अवरुद्ध बनेपछि बिहानैदेखि सवारी साधन र यात्रुहरू बिच बाटोमै रोकिएका छन्।
