काठमाडौँ। नेपाल आयल निगमले पेट्रोलियम पदार्थको मूल्य फेरि बढाएको छ। निगमल्र डिजेल, मट्टीतेल र आन्तरिक हवाई इन्धनको मूल्य बढाएको हो।
निगमका अनुसार बढेको मूल्य वैशाख ३ गते (बिहीबार) बिहान १२ बजेदेखि लागू हुने छ। भारतबाट नयाँ मूल्य आएपछि मुल्य समायोजन गरिएको निगमले भनेको छ।
निगमका अनुसार डिजेल र मट्टीतेलको मूल्य प्रतिलिटर ३० रुपैयाँले बढाइएको छ भने हवाई इन्धन (आन्तरिकतर्फ) को मूल्य पनि प्रतिलिटर ५ रुपैयाँले नै वृद्धि गरिएको छ। पेट्रोलको मूल्य भने हाल यथावत् राखिएको छ।
समायोजनपछि पहिलो वर्गका क्षेत्रमा डिजेल र मट्टीतेलको नयाँ खुद्रा बिक्री मूल्य प्रतिलिटर २३४ रुपैयाँ ५० पैसा कायम भएको छ।
त्यस्तै, दोस्रो वर्गमा मा प्रतिलिटर २३६ रुपैयाँ र तेस्रो वर्गका क्षेत्रमा २३७ रुपैयाँ तोकिएको छ।
यसैगरी, हवाई इन्धन (आन्तरिकतर्फ) को मूल्य प्रतिलिटर २५१ रुपैयाँबाट बढेर २५६ रुपैयाँ पुगेको छ।
