काठमाडौं। भदौ २३ र २४ गतेको जेन-जी आन्दोलनपछि देशको प्रधानमन्त्रीको जिम्मेवारी सम्हालेकी सुशीला कार्कीले प्रधानमन्त्रीको सरकारी निवास छाड्ने तयारी गरेकी छिन्।
प्रतिनिधि सभाको निर्वाचन सफलतापुर्वक सम्पन्न गरेर जिम्मेवारी पूरा गर्दै उनी अब वालुवाटारबाट बिदा हुँदै छिन्। निर्वाचनपछि अहिले नयाँ सरकार गठनको तयारी भइरहेको छ। नयाँ प्रधानमन्त्रीको शपथ ग्रहण यही चैत १३ गतेका लागि तय भएको छ। शपथ ग्रहण सम्पन्न भएसँगै उनी स्वतः पदमुक्त हुने छिन्।
नयाँ प्रधानमन्त्रीले शपथ गरेसँगै उनी शीतल निवासबाट त्यही दिन आफ्नो निजि निवास धापासी जाने छिन्। प्रधानमन्त्री कार्कीले आफू बिदा हुने दिन नजिकिंदै गर्दा आफ्ना निजी सामानहरु निजी निवास पठाइरहेकी हुन्।
प्रधानमन्त्री कार्कीका प्रेस सल्लाहकार रामबहादुर रावलका अनुसार १३ गतेसम्म बसाइ रहने भएकाले दैनिक प्रयोगका केही सामान भने बालुवाटारमै रहनेछन्, अन्य सामान भने क्रमशः सारिँदैछ।
