काठमाडौँ। राष्ट्रिय स्वतन्त्र पार्टी (रास्वपा) ले वरिष्ठ नेता बालेन्द्र शाह (बालेन)लाई सर्वसम्मत रुपमा संसदीय दलको नेता चयन गर्ने भएको छ।
त्यसका लागि रास्वपाले चैत १२ गते केन्द्रीय कार्यसमिति बैठक बोलाएको छ। बैठक बनस्थलीस्थित घण्टी घरमा बस्ने तय भएको छ।
रास्वपाका महामन्त्री कविन्द्र बुर्लाकोटीका अनुसार शाहलाई उक्त बैठकबाट सर्वसम्मत रुपमा दलको नेता चयन गर्ने विषयमा निर्णय हुनेछ। त्यसपछि संसदीय दलको बैठकले शाहलाई दलको नेता बनाउनेछ। सोही दिन प्रतिनिधि सभामा निर्वाचित सदस्यहरूको शपथ तोकिएको छ।
रास्वपाले प्रतिनिधि सभा निर्वाचन अघिनै वरिष्ठ नेता शाहलाई पार्टीका तर्फबाट प्रधानमन्त्रीको उम्मेदवार तय गरिसकेको छ। उनी चैत १२ गते संसदीय दलको नेता चयन हुने छन् भने चैत १३ गते उनले प्रधानमन्त्री पदको शपथ लिने तयारी छ।
