काठमाडौँ। नेपाली सेनाले चितवन राष्ट्रिय निकुञ्ज भित्र पर्ने सौराहा घाट-घडियाल प्रजनन केन्द्र सफारी रुटमा अलपत्र परेका २८९ जना पर्यटकको उद्धार गरेको छ।
चैत्र ६ गते शुक्रबार आएको हावाहुरी तथा बर्षातका कारण चितवन राष्ट्रिय निकुञ्जको सौराहा घाट-घडियाल प्रजनन केन्द्र सफारी रुटमा अलपत्र परेका २८९ जना स्वदेशी तथा विदेशी पर्यटकहरुको सेनाले उद्धार गरेको हो।
उनीहरूलाई नयाँ गोरख गणबाट खटिएको टोलीले सकुशल उद्धार गरेको सेनाले जनाएको छ।
शुक्रबार देशभर मौसममा बदली हुँदा देशका विभिन्न स्थानमा असर पुगेको थियो।
