काठमाडौँ। देशभरका इस्लाम धर्मावलम्बीले आज शनिबार ईद–उल–फित्र (इद) पर्व मनाउँदै छन्।
सरकारले ईद–उल–फित्र पर्वको अवसरमा आज सार्वजनिक बिदा समेत दिएको छ। आज बिहानैदेखि काठमाडौँको घण्टाघर नजिकका मस्जिद र अन्य मस्जिदमा मुस्लिम समुदायले एकअर्कामा शुभकामना साटासाट गर्दै पर्व मनाइरहेका छन्।
यो पर्व ‘सेवई’ खाएर र सामूहिक रूपमा नमाज पढेर पर्व मनाइने गरिन्छ। यस महिना इस्लाम धर्मावलम्बीहरूले जकात (दान) दिने चलन छ र यसलाई पुण्य कमाउने महत्त्वपूर्ण अवसरको रूपमा लिने गरिन्छ।
