काठमाडौं। राष्ट्रिय स्वतन्त्र पार्टी (रास्वपा) ले प्रतिनिधि सभामा आफ्नो दलको तर्फबाट समानुपातिकतर्फबाट सांसद बन्ने ५७ जनाको नाम प्रस्ताव गरेको छ।
आज बसेको रास्वपाको सचिवालय बैठकले समानुपातिक तर्फबाट ४८ जना महिला र ९ जना पुरुषको नामावली प्रस्ताव गरिएको बैठकपछि प्रवक्ता मनिष झाले जानकारी दिए।
प्रवक्ता झाका अनुसार खस आर्यबाट १७, आदिवासी जनजातिबाट १६, मधेसी ९, दलित ८, थारु ४ र मुस्लिम समुदायबाट ३ जनाको नाम टुङ्गो लगाइएको हो।
झाले ती क्लस्टरबाट कोको परे भन्ने खुलाएनन्। निर्वाचन आयोगमा नाम पठाइएको नाम आयोगले स्वीकृत गरेपछि मात्र नाम सार्वजनिक गर्ने रास्वपाको तयारी छ।
