काठमाडौं। माघ महिनाभर प्रहरीमा ४ हजार पाँच सय बढी अपराधका मुद्दा दर्ता भएका छन्।
नेपाल प्रहरीको तथ्यांक अनुसार माघ महिना विभिन्न ८ शीर्षकमा चार हजार ५६१ मुद्दा दर्ता भएका छन्। जसमा सबैभन्दा धेरै बैंकिङ कसुरका घटना छन्।
प्रहरीले सार्वजनिक गरेको तथ्यांकअनुसार १ हजार १७ वटा बैंकिङ कसुरका घटना छन्। यसैगरी सार्वजनिक हित, स्वास्थ्य सुरक्षा सुविधा तथा नैतिकता विरुद्ध ५६३, आत्महत्याका ४९४, लागू औषधका ४३६ र अन्य भवितव्य ज्यान, चाेरी, ठगी लगायतका घटना छन्।
तथ्यांकअनुसार सबैभन्दा धेरै संख्यामा १ हजार ३३७ मुद्दा काठमाडौं उपत्यकामा दर्ता भएका छन्। प्रदेशगत रुपमा सबैभन्दा धेरै काेसी प्रदेशमा ७७५ वटा मुद्दा दर्ता भएका छन्।
यसैगरी सबैभन्दा कम उजुरी कर्णाली प्रदेशमा १५९ वटा परेकाे प्रहरीको तथ्यांक छ।
