काठमाडौं। तराईका विभिन्न स्थानमा तापक्रम दिनानाेदिन बढ्दाे क्रममा छ।
केही सहरमा आज दिउँसो तापक्रम ३० डिग्री सेल्सियससम्म पुग्नसक्ने माैसम पूर्वानुमान महाशाखाकाे आकलन छ।
महाशाखाका अनुसार जनकपुरमा आज दिउँसो अधिक्तम तापक्रम २८ देखि ३० डिग्रीसम्म पुग्नसक्नेछ।
जनकपुरमा साेमबार अधिक्तम तापक्रम २८.२ डिग्री सेल्सियस मापन भएको थियाे। आज बिहान ८:४५ बजे त्यहाँको तापक्रम २९ डिग्री मापन भएको महाशाखाले जनाएको छ।
यस्तै विराटनगर, धरान र सिमरामा मंगलबार दिउँसो तापक्रम २९ डिग्री पुग्नसक्ने पूर्वानुमान गरिएकाे छ।
काठमाडौंमा पनि दिउँसो गर्मी बढ्नेछ।
आईतवारसम्म २१ डिग्रीभन्दा कम रहेकाे तापक्रम आज दिउँसो बढेर २२ डिग्री सेल्सियससम्म पुग्नसक्ने महाशाखाकाे पूर्वानुमान छ।
