काठमाडौं। माघ अन्तिम साता आइपुग्दा काठमाडौं उपत्यकामा न्यानाे महसुस हुन थालेकाे छ।
पछिल्ला तीन दिनयता उपत्यकाकाे तापक्रम वृद्धि भएको जल तथा माैसम पूर्वानुमान महाशाखाकाे रेकर्ड छ।
महाशाखाका अनुसार माघ २४ गतेसम्मको अधिक्तम तापक्रम १९ डिग्री सेल्सियसभन्दा कम रहेकाेमा माघ २५ दिउँसो साे तापक्रम २१ डिग्री मापन भएको थियाे। त्यसयता लगातार अधिक्तम तापक्रम १९ देखि २१ डिग्रीसम्म मापन भएको छ।
यस्तै काठमाडौंको न्यूनत्तम तापक्रम बढेर माघ २६ गते राति ७ डिग्री मापन भएको छ, मंगलबार राति याे ८ डिग्री सेल्सियससम्म पुग्नसक्ने महाशाखाकाे पूर्वानुमान छ। साेमबार सबैभन्दा बढी तापक्रम झापाकाे चन्द्रगढीमा २६ डिग्री सेल्सियस मापन भएको छ।
