काठमाडौं। नेपाली कांग्रेसका नेता डा. सुनिल शर्माले प्रतिनिधि सभा निर्वाचनका लागि मोरङ निर्वाचन क्षेत्र नं. ३ बाट उम्मेदवारी दिएका छन्।
उम्मेदवारी दर्ता पछि उनले भनेका छन्, `काँग्रेसको तर्फबाट आज मैले औपचारिक रूपमा उम्मेदवारी दर्ता गरेको छु। मोरङ क्षेत्र नं. ३ मेरो राजनीतिक क्षेत्र मात्र होइन, परिवार हो। म आज जुन अवस्थामा छु, त्यसको आधार यही क्षेत्रका नागरिकहरूको विश्वास, साथ र प्रेरणा हो। आगामी दिनहरूमा पनि यहाँका सम्पूर्ण मतदाता, शुभेच्छुक र परिवारहरूको निरन्तर साथ, मार्गदर्शन र अपेक्षासहित अघि बढ्ने प्रतिबद्धता व्यक्त गर्दछु।´
