काठमाडौं। नेपाली कांग्रेसका महामन्त्री गगन कुमार थापाले नेपाली कांग्रेस दास र लासको पार्टी नभएको बताएका छन्।
भृकुटीमण्डपमा विशेष महाधिवेशनलाई सम्बोधन गर्दै थापाले कांग्रेस दास र लासहरुको पार्टी नभएको बताएका हुन्।
`कांग्रेस दास र लासको पार्टी होइन, हामी सबै बराबर छौं, कसैले नबोल भनेर नबोल्ने होइन, जसले प्रश्न नसोध भन्छ, उसले जवफ पनि दिन सक्दैन।´ महामन्त्री थापाले महाधिवेशनलाई सम्बोधन गर्दै भने।
महामन्त्री थापाले कांग्रेस प्रति जनताको भरोसा रहेको बताउँदै चुनाव भन्दा पनि अहिले ब्यवस्था र संविधान सँगै जनताको भरोसा जोगाउनु पर्ने बताए।
`चुनाव आउँछ जान्छ, जितिन्छ हारिन्छ, अहिले सिस्टम र संविधान जोगाउनु पर्ने छ, त्यो भन्दा बढी जनताको भरोसा जोगाउनु पर्ने छ।´ थापाले भने।
