काठमाडौँ । नेपाली कांग्रेसको दोस्रो विशेष महाधिवेशनको तयारीबारे बुझ्न नेता डा चन्द्र भण्डारी र डा सुनीलकुमार शर्मा भृकुटीमण्डपस्थित महाधिवेशन स्थल पुगेका छन् ।
नेता भण्डारी र शर्मा शुक्रबार दिउँसो १ बजे विशेष महाधिवेशन स्थल भृकुटीमण्डप पुगेका हुन् । उनीहरु त्यहाँ पुग्दा विशेष महाधिवेशन पक्षधर नेता कार्यकर्ताहरूले स्वागत गरेका थिए।
नेता भण्डारी र शर्माले महामन्त्री विश्वप्रकाश शर्मासँग छलफलसमेत गरेका थिए । सो क्रममा महामन्त्री शर्माले महाधिवेशन स्थलको डिजाइनबारे नेताद्वयलाई जानकारी गराएका थिए ।
महाधिवेशन स्थलको निरीक्षणपछि फर्कदै गर्दा नेताकार्यकर्ताले नेता भण्डारी र शर्मालाई खुलेरै विशेष महाधिवेशनका पक्षमा आउन आग्रह गरेका थिए ।
नेपाली कांग्रेसको विशेष महाधिवेशनस्थल भृकुटीमण्डपमा अहिले धमाधम तयारीको काम जारी छ । महामन्त्रीद्वय गगनकुमार थापा र विश्वप्रकाश शर्माको आह्वानमा पुस २७ र २८ गते विशेष महाधिवेशन आयोजना हुँदैछ ।
