काठमाडौं। नेपाल नर्सिङ संघले अत्यावश्यक बाहेकका सेवा ठपो पार्ने गरि आजदेखि दाेस्राे चरणकाे आन्दाेलनकाे घाेषणा गरेकाे छ।
संघले बुधबार (आज) एक विज्ञप्ती जारी गर्दै नर्सहरुकाे न्यूनत्तम तलब र सेवा सुविधाका सम्बन्धमा गर्दै आएकाे विराेध र आन्दोलनका कार्यक्रमलाई यथावत् राख्ने निर्णय गरेकाे जनाएको छ।
यसअघिकाे तालिका अनुसार नै निजी, सामुदायिक तथा मेडिकल कलेजहरुमा अत्यावश्यक बाहेकका सेवामा सहभागी नभइ बिहान १० बजेदेखि १२ बजेसम्म बाहिर निस्कने र धर्नामा बस्ने संघकाे निर्णय छ।
नर्सहरुका मागका सम्बनधमा स्वास्थ्य तथा जनसंख्या मन्त्रालयबाट समेत सम्बाेधन हुन नसकेकाे संघले गुनासाे गरेको छ।
मन्त्रालयले सबैखाले स्वास्थ्य संस्थामा कार्यरत नर्सलाई न्यूनतम सरकारी पाचौं तह सरहकाे तलब सुविधा दिन निर्देशन दिएपनि निजी र मेडिकल कलेजहरुबाट साेअनुसार नपाएको भन्दै यतिखेर देशभरका नर्स आन्दोलनमा छन्।
