काठमाडौं। शरीरमा पेट्रोल खन्याएर आत्मदाहको प्रयास गरेकी गायिका नितु पौडेलको मृत्यु भएको छ।
गायिका पौडेलको शुक्रबार बिहान ८:२० बजे उपचारका क्रममा कीर्तिपुरस्थित बर्न अस्पतालमा मृत्यु भएको अस्पतालले जनाएको छ।
गायिका पौडेलले गत शनिबार दिउँसो काठमाडौंको अनामनगरस्थित संगितकार तथा गायक बाबुल गिरीको स्टुडियोमा आफ्नै शरीरमा आगो लगाएकी थिइन्। सो बारे सूचना पाएपछि प्रहरीले उनलाई त्यहाबाट तत्कालै उद्धार गरि अस्पताल पुर्याएको थियो।
चिकित्सकहरुका अनुसार उनको शरीरको ६० प्रतिशत भाग आगलागीका कारण जलेको थियो। उनको फोक्सोमा समेत आगोले असर गरेका कारण उनलाई कृत्रिम श्वास दिएर उपचार गरिएको थियो।
