काठमाडौं। बत्ती, उज्यालो र फूलको पर्वका रूपमा लिइने तिहार पर्वमा समेत नेपालबाट विद्युत निर्यात भएको छ। नेपालबाट भारत र बंगलादेशमा विद्युत निर्यात हुँदै आएको छ।
नेपाल विद्युत् प्राधिकरणका अनुसार लक्ष्मीपूजा (सोमबार) साँझ देशभर विद्युतको कूल माग एक हजार ६५० मेगावाट बराबर रहेको थियो। लक्ष्मीपूजाको दिनमा नै नेपालको माग धानेर एक हजार १५ मेगावाट बिजुली निर्यात भएको हो।
प्राधिकरणका अनुसार गत वर्ष लक्ष्मीपूजाको दिन देशभरको कूल विद्युत् माग एक हजार ६०२ मेगावाट रहेको थियो। गत वर्षभन्दा यस वर्ष लक्ष्मीपूजा साँझ कूल बिजुली माग ४८ मेगावाट बढी भएको हो।
