बिराटनगर। विराटनगर–११ पाँचमुखीमा नोबेल मेडिकल कलेजद्वारा आयोजित निःशुल्क स्वास्थ्य शिविरमा ३९९ जनाले सेवा लिएका छन्।
नोबेल मेडिकल कलेजले सामाजिक उत्तरदायित्व अन्तर्गत बाढी पीडितहरुलाई लक्षित गर्दै गत असोज ३१ गते स्वास्थ्य शिविर आयोजना गरिएको जनाएको छ। शिविरमा ३९९ जनाले सेवा लिएका थिए। शिविर पाँचमुखी चौकस्थित श्री अरुणोदय आधारभूत विद्यालयको परिसरमा आयोजना गरिएको थियो।
सो शिविरको मूल उद्देश्य बाढी प्रभावित क्षेत्रका जनतालाई सहज र गुणस्तरीय उपचार सेवा प्रदान गर्नु रहेको मेडिकल कलेजले जनाएको छ।
शिविरमा जेनरल मेडिसिन, छाला रोग, नाक-कान-घाँटी, हाडजोर्नी, दन्त रोग, बालरोग, स्त्रीरोग, रेडियोलोजी, ईसीजी, ल्याब परीक्षण तथा फार्मेसी सहितका विभागमार्फत सेवा प्रदान गरिएको थियो।
