काठमाडौं। नेपालबाट यस वर्षको मनसुन आठ दिन ढिला गरी बाहिरिएको छ।
नेपालबाट सरदरमा २ अक्टोबरमा मनसुन बाहिरिने गरेको भए पनि यस वर्ष आठ दिन ढिला गरि नेपालको सम्पूर्ण भू-भागबाट अक्टोबर १० (आज) देखि मनसुन बाहिरिएको जल तथा मौसम विज्ञान विभाग, मौसम पूर्वानुमान महाशाखाले जनाएको छ।
गत असोज २० गते अर्था अक्टोबर ६ तारिखका दिन सुदुरपश्चिम प्रदेश, कर्णाली प्रदेश, लगायत लुम्बिनी प्रदेशको पश्चिमी भू-भागको थोरै स्थानहरूबाट यस वर्ष मनसुन वहिर्गमनको सुरुवात भएको महाशाखाले जनाएको हो।
नेपालबाट मनसुनको बहिर्गमन भएतापनि स्थानीय वायु तथा पश्चिमी वायुको प्रभाव रहन सक्ने महाशाखाले जनाएको छ। स्थानीय र पश्चिमी वायुको प्रभावले कतैकतै वर्षा भने हुनसक्छ।
