काठमाडौं। संयुक्त राज्य अमेरिकाले देश निकाला (डिपोर्ट) गरेका थप १९ जना नेपाली आज साँझ काठमाडौँ आइपुगेका छन्। डिपोर्ट भएर नेपाल आउनेमा दुई महिला र १७ जना पुरुष छन्।
उनीहरुलाई त्रिभुवन अन्तर्राष्ट्रिय विमानस्थल अध्यागमन कार्यालयले आवश्यक प्रक्रिया पूरा गरेर थप सोधपुछका लागि नेपाल प्रहरीलाई बुझाएको छ।
अध्यागमन कार्यालयका वरिष्ठ अध्यागमन अधिकृत अञ्जन न्यौपानेले त्रिभुवन अन्तर्राष्ट्रिय विमानस्थल अध्यागमन कार्यालयले आवश्यक प्रक्रिया पूरा गरेर उनीहरुलाई थप सोधपुछका लागि नेपाल प्रहरीलाई बुझाएको जानकारी दिएका हुन्।
यसअघि अमेरिकाबाट विभिन्न चरणमा २१५ जना नेपाली डिपोर्ट भएर नेपाल आइसकेका छन्।
