काठमाडौं। सामाजिक अभियान्ता आशिका तामाङलाई पाँच दिन कैद सजाय हुने भएको छ।
भक्तपुरको साँगास्थित झोलुङ्गे पुल तरेको २० रुपैयाँ लिने नियमको विरोधसम्बन्धी मुद्दामा उनलाई जिल्ला अदालत भक्तपुरले बिहीवार सो फैसला गरेको हो।
न्यायाधीश विश्वनाथ भट्टराईको इजलासले तामाङ र शरण तिरूवालाई पाँच–पाँच दिन कैद सजाय र पाँच–पाँच सय जरिवाना गर्ने फैसला गरेको छ।
उनीहरूले पीडितलाई ८ हजार ३०० रुपैयाँ क्षतिपूर्ति समेत तिर्नुपर्ने अदालतको आदेश छ। आशिकाले उक्त पुल तरेको २० रुपैयाँ शुल्क लिन नपाइने भन्दै कर्मचारीबाट रसिद खोसेर जलाएपछि सूर्यविनायक नगरपालिकाले उनीविरुद्ध आपराधिक उपद्रव गरेको कसुरमा जाहेरी दिएको थियो
