काठमाडौं। “महाबचत बजार“ को अपार सफलतापछि अग्रणी स्मार्टफोन ब्राण्ड भिभोले नेपालको सबैभन्दा ठूलो ई–कमर्स प्लेटफर्म दराजसँग सहकार्य गर्दै दराज ८.८ सेल्स क्याम्पेन ल्याएको छ।
यो क्याम्पेन साउन २३ देखि २९ गतेसम्म संचालन हुनेछ। जसअन्तर्गत ग्राहकहरूले बम्पर छुट, एक्सक्लुसिभ डिल्स र रोमाञ्चक फ्ल्यास सेल्सको भरपूर फाइदा लिन सक्नेछन्।
भर्खरै सम्पन्न महाबचत बजार अभियानमा भिभोले पहिलो सातामै सयौं युनिट बिक्री गर्दै नेपाली बजारमा आफ्नो मजबुत उपस्थिति देखाएको थियो। यही उपभोक्ता भरोसालाई निरन्तरता दिँदै भिभोले दराजसँग सहकार्य गर्दै ८.८ क्याम्पेनमार्फत स्मार्टफोन प्रेमीहरूका लागि उत्कृष्ट डिल्स र अफरहरू प्रस्तुत गरेको छ।
क्याम्पेनमार्फत ग्राहकहरूले प्रत्येक फ्ल्यागशिप भिभो एक्स२०० प्रोको खरिदमा ४ हजार बराबरको भिभो बड्स उपहार स्वरुप निःशुल्क प्राप्त गर्नेछन्। यस उत्साहलाई थप गर्दै साउन २३ गते राती १२ बजे हुने विशेष फ्ल्यास सेलमा भिभो वाई१९एस प्रो मात्र रु ८,८८८ को विशेष मूल्यमा सीमित समयका लागि उपलब्ध हुनेछ। साथै, ग्राहकहरूले दराजमा सिधै डिस्काउन्ट भउचरहरू रिडिम गरेर पनि थप बचत गर्न सक्नेछन्।
भिभो नेपालका ब्राण्ड म्यानेजर दिपेश खनाल भन्छन्, “यो क्याम्पेन अघिल्लो अफर छुटाउनु भएका ग्राहकहरूका लागि दोस्रो अवसर हो। भिभोले सधैं प्रयोगकर्ताको आवश्यकता र रुचिलाई ध्यानमा राख्दै, देशभरका ग्राहकलाई लक्षित गरी अफरहरू ल्याउने प्रयास गर्दै आएको छ।”
भिभोको यो डिजिटल पहल र दराजसँगको रणनीतिक सहकार्यले नेपाली अनलाइन बजारमा यसको उपस्थितिलाई अझ सशक्त बनाउँदै लगेको छ। घरमै बसेर सहज रूपमा स्मार्टफोन खरिद गर्न सकिने यो अभियानले ग्राहकलाई बजेटमै स्मार्टफोन अपग्रेड गर्ने सुनौलो मौका प्रदान गर्ने भिभोको दाबी छ।
