काठमाडौं। एनआइसी एशिया लघुवित्तले पुर्वी नेपालका विभिन्न स्थानमा निःशुल्क स्वास्थ्य शिविर आयोजना गरेको छ।
एन्जल फाउन्डेसनको प्राविधिक सहयोगमा शाखा कार्यालयहरु बराह क्षेत्रले साउन १६ गते, गौरादहले १७ गते र धरानले साउन २० गते आ–आफ्नो क्षेत्रमा स्वास्थ्य शिविर आयोजना गरेका हुन्।
बराह क्षेत्रको स्थानिय सिंहदेवि विद्यालयमा सञ्चालित शिविरमा ३२ जनाले स्वास्थ्य जाँच गराएको शाखा कार्यालयले जनाएको छ। सो शिविरमा ११ जनाको थप उपचार गरिएको थियो।
यस्तै धरानको शिक्षा निकेतन विद्यालयमा ३६ जनाको जाँच तथा १२ जनाको सफल उपचार भएको थियो भने गौरादहको मदन आश्रित स्मृति भवनमा २९ जनाको जाँच तथा ११ जनाको उपचार भएको थियो।
एकदिने निःशुल्क स्वास्थ्य शिविर कार्यक्रममार्फत स्थानीयलाई पाइल्स, फिसर र फिस्टुलासँग सम्बन्धित जाँच तथा उपचार सेवासहित आवश्यक औषधि प्रदान गरिएको एनआइसी एशिया लघुवित्तले जनाएको छ।
