काठमाडौं। भिभोले आफ्नो नयाँ अपरेटिङ सिस्टम OriginOS 7 सार्वजनिक गरेको छ। कम्पनीका अनुसार OriginOS 7 लाई अझ सहज, स्मार्ट र व्यक्तिगत स्मार्टफोन अनुभव प्रदान गर्ने गरी डिजाइन गरिएको छ।
नयाँ अपरेटिङ सिस्टममा टच, एनिमेसन र फोनको समग्र कार्यक्षमतामा सुधार गरिएको छ। भिभोले OriginOS 7 दैनिक प्रयोग गरेको छ वर्षपछि पनि सहज रूपमा चल्ने गरी तयार गरिएको जनाएको छ।
OriginOS 7 को मुख्य विशेषतामध्ये Origin Workbench रहेको छ। यसले स्मार्टफोनमा एकैपटक विभिन्न काम गर्न सहज बनाउनेछ। त्यस्तै, विभिन्न डिभाइसबीच सहज रूपमा जोडिन सकिने सुविधा र भिभोको व्यक्तिगत एआई सहायक Jovi पनि यसमा समावेश गरिएको छ। Jovi ले कनेक्ट भएका डिभाइसमा प्रयोगकर्ताका विभिन्न काम व्यवस्थापन गर्न सहयोग गर्नेछ।
अझ स्मार्ट र सहज कार्यक्षमता
OriginOS 7 मा नयाँ पुस्ताको Origin Smooth Engine प्रयोग गरिएको छ। यसले ग्राफिक्स प्रोसेसिङ, मेमोरी व्यवस्थापन र सिस्टम सञ्चालनलाई थप प्रभावकारी बनाउनेछ।
Ultra-Core Computing प्रविधिले आवश्यकता अनुसार प्रोसेसिङ क्षमता व्यवस्थापन गर्छ। यसले गेम खेल्दा वा एकैपटक धेरै एप प्रयोग गर्दा पनि फोनलाई सहज रूपमा चलाउन सहयोग गर्छ।
भिभोका अनुसार यसले एप खुल्ने समय १० प्रतिशतसम्म घटाउनुका साथै एपका पेजहरू परिवर्तन गर्दा हुने प्रक्रियालाई ११ प्रतिशतसम्म सुधार गर्छ।
त्यस्तै, Memory Fusion ले मेमोरी व्यवस्थापनलाई सुधार गर्दै २५६ जीबी स्टोरेज भएको फोनमा २५ जीबीसम्म अतिरिक्त स्टोरेज उपलब्ध गराउने कम्पनीले जनाएको छ।
Dual Rendering प्रविधिले रेन्डरिङ क्षमतामा १४.४ प्रतिशतसम्म सुधार गर्नेछ। यसले स्क्रिनमा अझ राम्रो दृश्य र सहज एनिमेसन उपलब्ध गराउनेछ।
टचदेखि एनिमेसनसम्म प्राकृतिक अनुभव
OriginOS 7 मा रहेको Origin Animation ले स्वाइप, ट्याप र स्क्रिन परिवर्तनजस्ता गतिविधिलाई अझ प्राकृतिक बनाउने लक्ष्य राखेको छ।
Fluid Motion ले स्क्रिनका सामग्रीलाई औँलाको चालअनुसार तन्किने, उफ्रिने र गतिशील रूपमा प्रतिक्रिया दिने बनाउँछ। त्यस्तै, Spring Animation ले फोनको सम्पूर्ण प्रणालीमा एकरूप र प्राकृतिक गतिमा आधारित एनिमेसन प्रदान गर्नेछ।
