काठमाडौँ। नेपालको अग्रणी अडियो तथा पहिरनयोग्य प्रविधि ब्रान्ड अल्टिमा लाइफ स्टाइलले आफ्नो नयाँ इयर बर्ड्स `अल्टिमा आउरा´ नेपाली उपभोक्ता माझ सार्वजनिक गरेको छ।

सेप्टेम्बर ८ का दिन (मंगलबार) अल्टिमाले आउरा इयर बर्ड्स सार्वजनिक गरेको हो। उक्त इयर बर्ड्स हाई रेस अडियो र सोनी एलडीएसी (Sony LDAC) मा उपलब्ध छ। जसलाई अल्टिमा लाइफ स्टाइलले नेपालको पहिलो उपलब्धि दाबी गरेको छ भने अत्याधुनिक इयरबड्सका रुपमा उपभोक्ता माझ ल्याइएको छ।

अल्टिमाले उक्त इयर बर्ड्सलाई नयाँ उत्पादनका रुपमा मात्र नलिइ नेपालको बढ्दो अडियो क्षेत्रमा एउटा महत्वपूर्ण उपलब्धि समेत थप्ने माध्यम मानेको छ।

अल्टिमा हाई रेस अडियो प्रमाणपत्र र सोनी LDAC सुविधा प्राप्त गर्ने नेपालको पहिलो नेपाली ब्रान्ड हो। आउरामा सोनीद्वारा ध्वनि समायोजन गरिएकाले उच्च गुणस्तरको अडियो प्रविधि, उन्नत आवाज नियन्त्रण प्रविधि, थप जीवन्त ध्वनि तथा स्मार्ट सुविधाहरू समावेश गरिएका छन्। यसले नेपाली उपभोक्तालाई सहज मूल्यमा उच्चस्तरीय अडियो अनुभव प्रदान गर्ने लक्ष्य राखेको छ।

नेपाली अडियो ब्रान्डका लागि गर्वको क्षण

नेपालमा उच्चस्तरीय अडियो उत्पादन भन्नासाथ धेरैजसो उपभोक्ताको ध्यान अन्तर्राष्ट्रिय ब्रान्डतर्फ जाने गरेको छ। अब भने त्यस्ता मागलाई अल्टिमा आउराले नै पूरा गर्ने छ। त्यही सोचमा नयाँ अध्याय थप्ने प्रयास स्वरुप नेपाली उपभोक्तालाई अल्टिमाले यो उत्पादन ल्याएको हो।

`आउरा´ मा सामान्यतया निकै महँगा अन्तर्राष्ट्रिय इयरबड्समा पाइने प्रविधिहरू जडित छन्। नेपाली ब्रान्ड अल्टिमाका लागि यो आफ्नो उत्पादनमा थपिएको एउटा सुविधा मात्र नभएर नेपालको अडियो क्षेत्रमा हासिल भएको एउटा महत्वपूर्ण उपलब्धि र नयाँ विश्वासको कडी पनि हुनेछ।

किन ल्याइयो त यो प्रविधि?

नेपाली उपभोक्ता अहिले अत्याधुनिक प्रविधिमा विश्वास राख्छन्। प्रविधिमा दौडिएको विश्वमा नेपालीको उपस्थिति पनि कम छैन। त्यही बुझाइ र रोजाइलाई अल्टिमाले `आउरा´ मार्फत उपलब्ध गराउन खोजेको हो।

यसैगरी `आउरा´मार्फत नेपाली उपभोक्ताले एउटा नेपाली ब्रान्डलाई हेरेर “हामीले पनि यस्तो बनाउन सक्छौं” भन्ने गर्व गर्न सक्ने वातावरण निर्माण गर्ने अल्टिमाको विश्वास छ।

यो उपलब्धिले नेपालको उपभोक्ता प्रविधि धेरै अगाडि बढिसकेको छ भन्ने देखाउनुका साथै आगामी दिनमा अझ ठूलो र नयाँ प्रविधि विकास गर्ने अल्टिमाको यात्रालाई पनि अगाडि बढाउनेछ।

के हो sony द्वारा समायोजन गरिएको ध्वनि?

`अल्टिमा आउरा´ को मुख्य विशेषता यसको ध्वनि अनुभव हो। सोनीद्वारा समायोजन गरिएको ध्वनि, Sony LDAC सुविधा तथा Hi-Res Audio प्रमाणपत्र सहित आउरालाई अझ स्पष्ट, विस्तृत र जीवन्त वायरलेस ध्वनि अनुभव प्रदान गर्ने गरी तयार गरिएको छ।

उपयुक्त मोबाइल उपकरण र अडियो सामग्रीसँग प्रयोग गर्दा यसले संगीतमा रहेका सूक्ष्म ध्वनि, स्पष्टता र गहिराइलाई अझ राम्रोसँग अनुभव गर्न सहयोग गर्नेछ।

तर अल्टिमाले आउरालाई केवल राम्रो ध्वनि दिने इयरबड्सका रूपमा मात्र विकास गर्न चाहेन। कम्पनीले यसको ध्वनि, बनावट, डिजाइन र दैनिक प्रयोगको अनुभवलाई समेत ध्यानमा राखेर पूर्ण रूपमा उच्चस्तरीय उत्पादनका रूपमा तयार गरेको छ।

उक्त सोचअनुसार चार्ज गर्ने बाकसमा बहुउपयोगी घुम्ने नियन्त्रण चक्र राखिएको छ। यसलाई `Ultima Link App´ मार्फत आफ्नो आवश्यकता अनुसार परिवर्तन र नियन्त्रण गर्न सकिन्छ। यसले इयरबड्स प्रयोग गर्ने अनुभवलाई अझ सहज र फरक बनाउँछ।

उच्चस्तरीय सुविधा, पहुँचयोग्य मूल्य

`अल्टिमा आउरा´मा सानो आकारका इयरबड्सभित्र धेरै अत्याधुनिक सुविधाहरू समावेश गरिएका छन्।

• Sony द्वारा समायोजन गरिएको Hi-Res Audio र Sony LDAC
• ६ वटा माइक्रोफोनसहित स्पष्ट आवाज र AI ENC
• ५० डेसिबलसम्म Hybrid ANC
• अनुप्रयोगमार्फत नियन्त्रण गर्न सकिने बहुउपयोगी घुम्ने नियन्त्रण चक्र
• ३डी अडियो
• ११ मिलिमिटरका दुईवटा टाइटेनियम चालक
• ५० घण्टासम्मको ब्याट्री चल्ने समय
• Super Sonic Charging, केवल १० मिनेट चार्ज गर्दा १८० मिनेटसम्म चल्ने सुविधा
• एकैपटक दुईवटा उपकरणसँग जोडिन सकिने सुविधा
• ४० मिलिसेकेन्डको कम विलम्बता सहितको खेल मोड
• IPX6 पानी प्रतिरोधी क्षमता
• Bluetooth 5.4 तथा द्रुत जोडिने सुविधा
• आफ्नो आवश्यकता अनुसार ध्वनि मिलाउन सकिने तुल्यकारक सुविधा
• Ultima Link App को सुविधा
• हराएको उपकरण पत्ता लगाउने सुविधा
• जर्मनीमा डिजाइन गरिएको
• CE तथा FCC प्रमाणित
• Chiffon White र Obsidian Black मा आकर्षक म्याट बनावट

काममा जाँदा होस्, यात्रा गर्दा, खेल खेल्दा वा आफ्नो मनपर्ने संगीत सुन्दै आराम गर्दा, आउरालाई दैनिक जीवनका विभिन्न क्षणमा सहज रूपमा प्रयोग गर्न मिल्ने गरी तयार गरिएको छ।

उच्चस्तरीय अडियो प्रविधि अब अझ पहुँचयोग्य

`अल्टिमा आउरा´को अर्को महत्वपूर्ण पक्ष यसको मूल्य हो। आउराको अधिकतम खुद्रा मूल्य ५,९९९ रुपैयाँ तोकिएको छ भने विशेष सुरुवाती मूल्यमा ३,४९९ रुपैयाँ मा उपलब्ध हुनेछ। यो विशेष मूल्य सीमित समयका लागि मात्र लागू हुनेछ।

नेपालमा Hi-Res Audio, Sony LDAC, उन्नत आवाज नियन्त्रण तथा अन्य उच्चस्तरीय सुविधाहरूको समान संयोजन भएका इयरबड्सको मूल्य सामान्यतया १५ हजार देखि २० हजार रुपैयाँ वा त्यसभन्दा बढी पर्ने गरेको छ। अल्टिमाले भने नेपाली उपभोक्ताले उच्चस्तरीय अडियो प्रविधि अनुभव गर्न धेरै ठूलो रकम खर्च गर्न नपरोस् भन्ने उद्देश्यका साथ आउरा ल्याएको हो।

नयाँ मात्रै होइन, सुरुवात हो

अल्टिमाका लागि `आउरा´को सार्वजनिकता एउटा नयाँ इयरबड्स बजारमा ल्याउने विषयमा मात्र सीमित छैन। यो कम्पनीको अझ ठूलो उद्देश्यको एउटा हिस्सा हो।

अल्टिमाले सुरुदेखि नै आधुनिक अडियो तथा पहिरनयोग्य प्रविधिलाई नेपाली उपभोक्ताको पहुँचमा पुर्‍याउने प्रयास गर्दै आएको छ।

`आउरा´  ले उक्त सोचलाई अझ अगाडि बढाउँदै, सामान्यतया महँगा अन्तर्राष्ट्रिय उत्पादनमा मात्र देखिने प्रविधि र प्रमाणपत्रलाई नेपाली ब्रान्डमार्फत नेपाली उपभोक्तासामु ल्याएको छ।

अल्टिमा लाइफस्टाइलका जनरल मेनेजर प्रज्वल ढकालले अल्टिमा विशेष उत्पादन भएको बताए। उनले सो उत्पादन प्रयोगकर्तालाई मात्र नयाँ दिनका लागि नभएर प्रविधिमा समेत थप अगाडिको यात्रा भएको बताए।

“Aura हाम्रो लागि निकै विशेष उत्पादन हो, किनभने यो केवल नयाँ इयरबड्स मात्र होइन। एउटा नेपाली प्रविधि ब्रान्डले ठूलो सोच राखेर कति अगाडि जान सक्छ भन्ने देखाउने हाम्रो प्रयास पनि हो। Hi-Res Audio र Sony LDAC को यो उपलब्धि हासिल गर्ने पहिलो नेपाली ब्रान्ड बन्न पाउनु Ultima मा आबद्ध हामी सबैका लागि गर्वको क्षण हो। सबैभन्दा महत्वपूर्ण कुरा, नेपाली उपभोक्ताले उच्चस्तरीय प्रविधिको अनुभव गर्न नेपाल बाहिरका ब्रान्डतर्फ मात्र हेर्नुपर्ने अवस्था नहोस् भन्ने हाम्रो चाहना हो। र वास्तवमा, यो त सुरुवात मात्र हो।” ढकालले भने।

उक्त उत्पादनमार्फत नेपाली प्रविधि ब्रान्डलाई हेर्ने उपभोक्ताको सोचमा समेत सकारात्मक परिवर्तन ल्याउने अल्टिमाको विश्वास छ। नेपाली ब्रान्डलाई केवल सस्तो विकल्पका रूपमा नभई नयाँ प्रविधि र नवप्रवर्तन ल्याउन सक्ने ब्रान्डका रूपमा स्थापित गर्ने अल्टिमाको लक्ष्य छ।

कहाँकहाँ पाइन्छ?

`Ultima Aura Earbuds´ सेप्टेम्बर ८, २०२६ मा राति ८:०० बजे आधिकारिक रूपमा Ultima.com.np, Daraz, Khalti, Jeevee, Fonepoints र Pathao Shop मार्फत सार्वजनिक गरिएको छ।

सेप्टेम्बर ९, २०२६ देखि यो उत्पादन नेपालभर रहेका सबै Ultima Outlet मा समेत उपलब्ध हुनेछ। यो आकर्षक म्याट रंगमा उपलब्ध हुनेछ। जसलाई Chiffon White र Obsidian Black भनिएको छ।

अल्टिमा लाइफ स्टाइलले स्मार्टवाच, इयरबड्स लगायत विभिन्न प्रविधियुक्त दैनिक जीवनका उत्पादनमार्फत मानिसहरूको दैनिक जीवन, काम, मनोरञ्जन र सम्पर्कलाई अझ सहज बनाउने प्रयास गर्दै आएको छ।

नेपालमा मात्र नभई आगामी दिनमा विश्व बजारमा समेत अत्याधुनिक प्रविधिलाई अझ पहुँचयोग्य बनाउने लक्ष्यका साथ अल्टिमा निरन्तर अगाडि बढिरहेको छ।