काठमाडौँ। राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन)ले प्रधानमन्त्री पदको शपथ लिएका छन्।
राष्ट्रपति रामचन्द्र पौडेलले शीतल निवासमा आयोजित विशेष समारोहमा १२ बजेर ३४ मिनेटको शुभ साइतमा ३६ वर्षीय शाहलाई पद तथा गोपनीयताको शपथ गराएका हुन्।
यसअघि राष्ट्रपति पौडेलले नेपालको संविधान २०७२ को धारा ७६ (१) अनुसार प्रतिनिधि सभामा बहुमत प्राप्त दलका नेताको रूपमा शाहलाई आज विहान प्रधानमन्त्री नियुक्त गरेका थिए।
नेपालको संविधान २०७२ जारी भएपछि सो धाराअनुसार प्रधानमन्त्री बन्ने बालेन पहिलो ब्यक्ति हुन्। यस्तै मधेसी समुदायबाट प्रधानमन्त्री बन्ने पनि शाह पहिलो व्यक्ति बनेका छन्।
