काठमाडौं। आज सम्पन्न प्रतिनिधि सभा सदस्य निर्वाचनमा देशभर ६० प्रतिशत मत खसेको प्रारम्भिक अनुमान गरेको छ।
निर्वाचन आयोगले बिहीबार भएको मतदानमा ६० प्रतिशत मत खसेको अनुमान गरेको हो।
निर्वाचन सम्पन्न भएपछि बिहीबार आयोजित पत्रकार सम्मेलनमा निर्वाचन आयोगका कार्यवाहक प्रमुख निर्वाचन आयुक्त रामप्रसाद भण्डारीले ६० प्रतिशत मतदान भएको प्रारम्भिक विवरण सुनाए।
कार्यवाहक प्रमुख निर्वाचन आयुक्त भण्डारीले केही ठाउँमा मतदान भइरहेको पनि जानकारी दिए।
आयोगले मतदानका लागि बिहान ६ बजेदेखि साँझ ५ बजेसम्मको समय निर्धारण गरेको थियो।
