काठमाडौं। रास्वपा सभापति रबि लामिछाने आज थुनामुक्त हुँदैछन् । उनलाई रिहाइको आवश्यक प्रक्रिया पूरा गर्न शुक्रवार बिहानै ललितपुरस्थित नख्खु कारागारबाट रुपन्देहीको भैरहवा लगिएको छ।
लामिछाने नख्खु कारागारमा थिए। रुपन्देही पुगेपछि उनी प्रक्रिया पूरा गरेर आजै रिहा हुने जिल्ला प्रहरी परिसर ललितपुरका प्रमुख होविन्द्र बोगटीले बताए।
बिहीबार उच्च अदालत बुटवलका न्यायाधीशद्वय बाबुदेव आचार्य र तेजनारायण पौडेलको संयुक्त इजलासले उनलाई धरौटीमा थुनामुक्त गर्न आदेश दिएका थिए।
