काठमाडौं। जल तथा मौसम विज्ञान विभाग, मौसम पुर्वानुमान महाशाखाले केही प्रदेशका पहाभुभाग बाहेकमा मौसम सफा रहने बताएको छ।
महाशाखाका अनुसार आज दिउँसो कोशी प्रदेश, बागमती प्रदेश र गण्डकी प्रदेशमा साधारणतया बदली रही बाँकी प्रदेशका पहाडी भू-भागमा आंशिक बदली रहने तथा बाँकी भू-भागमा मौसम मूख्यतया सफा रहने बताएको हो।
कोशी प्रदेश लगायत बागमती प्रदेश र गण्डकी प्रदेशका पहाडी भू-भागका थोरै स्थानहरूमा हल्का वर्षा/हिमपातको सम्भावना रहेको महाशाखाले जनाएको छ।
यस्तै आज राती कोशी प्रदेश लगायत बागमती प्रदेश र गण्डकी प्रदेशका पहाडी भू-भागमा आंशिक बदली रही बाँकी भू-भागमा मौसम मूख्यतया सफा रहने छ।
कोशी प्रदेश, बागमती प्रदेश र गण्डकी प्रदेशका पहाडी र हिमाली भू-भागका एक-दुई स्थानमा आज राति हल्का वर्षा/हिमपातको सम्भावना रहेको छ। नेपालमा हाल पश्चिमी वायूको आंशिक प्रभाव रहेको महाशाखाले भनेको छ।
