काठमाडौं। विगत दुई दिनयता नेपालमा पश्चिमी वायू र अरब सागरमा बनेको न्यून चापीय प्रणालीको प्रभाव रहँदै आएकाे छ। जसका कारण हिमाली भेगमा हिमपातका साथै अन्य भेगकाे तापक्रम पनि उल्लेखनीय रुपमा घटेकाे छ।
जल तथा माैसम पूर्वानुमान महाशाखाका अनुसार आज बुधवार दिउँसो देशभर माैसम सफा रहने छैन। दिउँसो काेसी , बाग्मती , गण्डकी र लुम्बिनी प्रदेश लगायत बाँकी पहाडी भू-भागमा साधारणतया माैसम बदली रहनेछ।
तराई भू-भागमा पनि आंशिक बदली रहनेछ। कोशी , बाग्मती र गण्डकी प्रदेशका पहाडी तथा हिमाली भू-भागका एक-दुई स्थानमा हल्का वर्षा/हिमपातको सम्भावना छ।
यसैगरी बुधवार राति पनि देशभरकाे माैसम आंशिक बदली रहने छ। कोशी, बाग्मती र गण्डकी प्रदेशको पहाडी तथा हिमाली भू-भागका एक-दुई स्थानमा हल्का वर्षा/हिमपातको सम्भावना रहेको महाशाखाले जनाएको छ।
महाशाखाका अनुसार बिहीवार दिउँसोदेखि भने नेपालमा बंगालकाे खाडीबाट भित्रिने चक्रवात 'माेन्था' काे प्रभाव रहनेछ।
यसले काेसी र तराई प्रदेशका केही स्थानमा भारी वर्षा गराउनसक्छ। यसकाे प्रभाव भने शनिवारसम्म रहने महाशाखाले जनाएको छ।
