काठमाडौं। इजरायलमा चिकित्सकहरुले टाउकोको खप्परको ट्युमर निकाल्दा नयाँ सफलता हात पारेका छन्। जसलाई न्यूरोसर्जरीमा एक कोसेढुङ्गा भनिएको छ।
इचिलोभ मेडिकल सेन्टरका चिकित्सकहरुले आँखाको सकेटबाट खोपडीको आधार ट्युमर हटाएका हुन्। जुन शल्यक्रियामा खप्पर खोल्न आवश्यक नै नभएको बताइएको छ। जसलाई इजरायलमा चिकित्सा शल्यक्रियामा ठूलो सफलताका रुपमा लिइएको छ।
यो घटना जुलाई २१ मा इचिलोभ मेडिकल सेन्टरमा भएको हो। यसरी आँखा बाट नै शल्यक्रिया गरेर खप्परको ट्युमर हटाउँदा कुनै दाग तथा दृष्टिमा असर नपरेको बताइएको छ। इजरायली संचारमाध्यम टाइम्स अफ इजरायलले यसलाई ठूलो उपलब्धि मान्दै समाचार बनाएको छ। यस्तै एनडीटीभी वर्लडले पनि यो समाचार प्रकाशित गरेको छ।
यो शल्यक्रियामा न्यूरोसर्जरी, अकुलोप्लास्टिक्स, र ईएनटी विशेषज्ञहरूको टोली सक्रियतापुर्वक सहभागिता भएको भनिएको छ।
