काठमाडौं। शिक्षकहरुको आन्दोलनका कारण अहिले काठमाडौको नायाँ बानेश्वर क्षेत्र अस्तब्यस्त भएको छ।
विद्यालय शिक्षा ऐन जारी गर्न माग गर्दै शिक्षक महासंघको अगुवाइमा बुधबारबाट शिक्षकहरु प्रदर्शनमा उत्रिएका छन।
माइतीघर मण्डलाबाट सुरु भएको शिक्षकहरुको र्याली सहितको प्रदर्शनलाई अहिले प्रहरीले बिजुली बजार क्षेत्रमा रोकेको छ। उनीहरुले शान्तिपूर्ण रुपमा आफ्ना मागहरु राख्न पाउनुपर्ने भन्दै नारावाजी गरिरहेका छन।
यसअघिको सहमति सरकारले कार्यान्वयन नगरेको भन्दै देशभरबाट नयाँ चरणको आन्दोलनका लागि शिक्षकहरू काठमाडौ आएको महासंघ सहअध्यक्ष एवं आन्दोलन परिचालन समितिको संयोजक नानुमाया पराजुलीले जानकारी दिइन।
प्रदर्शनलाई नियन्त्रणमा राख्न बानेश्वर क्षेत्रमा सुरक्षाकर्मीको उपस्थिति बाक्लो बनाइएको छ। नेपाल प्रहरी र सशस्त्र प्रहरी सडकमा तैनाथ छन। उनीहरुले निषेधित क्षेत्रमा प्रदर्शनकारीलाई प्रवेशमा रोक लगाएका छन।
