काठमाडौं। काठमाडौंको कमलपोखरीमा रहेको सानदार म:म पसलमा ग्याँस सिलिण्डर विस्फोट हुँदा १४ जना घाइते भएका छन।
बिहीवार बिहान ९ बजे सानदार म:म पसलमा ग्याँस सिलिण्डर विस्फोट हुँदा १४ जना घाइते भएका हुन। घाइते मध्ये ११ जनालाई उपचारकालागि हिमाल अस्पताल लगिएकोमा पाँच जनाको अवस्था गम्भीर भएपछि किर्तिपुर बर्न अस्पताल लगिएको छ। तीन जना भने सामान्य घाइते छन।
जिल्ला प्रहरी परिसर काठमाडौंका प्रवक्ता अपिलराज बोहोराका अनुसार ग्याँस सिलिण्डर विस्फोटमा घाइते हुनेहरु सबै जना म:म पसलमा कार्यरत मजदुर छ्न।
ती मध्ये उदयपुरका २४ वर्षीय संजोग मगर गम्भीर छन। उनीसहित अन्य पाँचलाई कीर्तिपुरको बर्न अस्पतालमा लगिएको हो। सिलिण्डर विष्फोटपछि घरको सिलिङ भत्किएर खसेको छ।
