काठमाडौं। प्रधानमन्त्री केपी शर्मा ओलीले सोमबारका लागि सत्तारुढ दलहरुको बैठक बोलाएका छन।
सरकारले ल्याएको विभिन्न अध्यादेशका बारेमा प्रमुख सत्ता सहयात्री दल नेपाली कांग्रेस भित्र मतान्तर देखिंदा प्रधानमन्त्रीले गठबन्धनको बैठक डाकेका हुन।
प्रधानमन्त्री ओलीको सचिवालयका अनुसार बैठक सोमबार साँझ ५ बजे बालुवाटारमा बस्ने गरी बोलाइएको हो।
बैठकमा आसन्न हिउँदे अधिवेशन,अधिवेशनमा पेस गरिने विधेयक र सरकारका काम कारबाहीबारे छलफल हुने नेताहरु बताउँछन।
सत्तापक्षमा हाल एमाले, कांग्रेस, जसपा, जसपा नेपाल, नाउपा र जनमत पार्टी रहेका छन्। माघ १८ गतेबाट संसद्को हिउँदे अधिवेशन सुरु हुँदैछ।
