काठमाडौँ। भदौ १० गते आएको विनाशकारी भोटेकोशी बाढीमा परेर हालसम्म १३ सय ९९ जनाको शव फेला परेको छ।
नेपाल प्रहरीले मंगलबार बिहान ८ बजेसम्म प्राप्त विवरण सार्वजनिक गर्दै विनाशकारी भोटेकोशी बाढीमा परेर हालसम्म१३ सय ९९ जनाको शव फेला परेको र ४ हजार ८९ जना ब्यक्ति बेपत्ता भएको जानकारी दिएको हो।
प्रहरीका अनुसार फेला परेका शब मध्ये १२ सय ३० शवलाई सुरक्षित ब्यवस्थापन गरिएको छ भने १ सय ३ शव पहिचान भएपछि आफन्तको जिम्मा लगाइएको छ।
यसैगरी १२ सय ८६ शवबाट डिएनए परिक्षणका लागि डिएनए संकलन गरिएको छ भने १८ सय ८९ जना आफन्तबाट डिएनएको नमुना लिइएको प्रहरीले जानकारी दिएको छ।
प्रहरीले सार्वजनिक गरेको तथ्यांकअनुसार हालसम्म ३४ सय ७९ जना नेपाली नागरिक बाढीपछि बेपत्ता भएका छन भने ६१० जना विदेशी नागरिक बेपत्ता छन्।
