काठमाडौँ। काभ्रेमा यात्रुवाहक बस दुर्घटना हुँदा मृत्युु हुनेको संख्या ८ पुगेको छ।
बनेपाबाट रोशी गाउँपालिकाको खार्पाचोकतर्फ जाँदै गरेको बा ३ ख ८३९८ नम्बरको बस शुक्रबार दिउँसो सेल्फी डाँडास्थित वीपी राजमार्गको सडकबाट दुई सय मीटर तल खसेको थियो।
जिल्ला प्रहरी कार्यालय काभ्रेका डीएसपी रविन विष्टले दुर्घटनामा परेर घाइते भएका १६ जनाको धुलिखेल अस्पतालमा उपचार भइरहेको जानकारी दिए।
अरनिको यातायातमा आबद्ध उक्त बसमा २५ जना यात्रु सवार रहेको अनुमान गरिएको छ।
