काठमाडौँ। सशस्त्र प्रहरी बलका ६ जना वरिष्ठ उपरीक्षक (एसएसपी) नायव महानिरीक्षक (डीआईजी) पदमा बढुवाका लागि सिफारिसमा परेका छन्।
गृह मन्त्रालयका सचिव राजकुमार श्रेष्ठको नेतृत्वमा शुक्रबार बसेको बढुवा समितिको बैठकले ६ जना एसएसपीलाई डीआईजी पदमा बढुवाका लागि सिफारिस गरेको हो।
सिफारिस सूची अनुसार एक नम्बरमा एसएसपी दिगविजय सुवेदी परेका छन्। यसैगरी एसएसपीहरु किरण बस्नेत, माधवप्रसाद पौडेल, प्रवीण कँडेल, राजेश उप्रेती र नेत्र बहादुर कार्की डीआईजीमा बढुवा सिफारिसमा परेका हुन्।
