काठमाडौँ। राष्ट्रिय स्वतन्त्र पार्टी (रास्वपा)का सांसद डोलप्रसाद अर्याल प्रतिनिधिसभाको सभामुख पदमा निर्विरोध भएका छन्।
सभामुख पदका लागि आज उम्मेदवारी दर्ताको कार्यक्रम तय थियो। संघीय संसद् सचिवालयले तोकेको बिहान ११ बजेदेखि दिउँसो २ बजेसम्मको समय भित्र अर्यालको मात्र उम्मेदवारी परेपछि उनी निर्विरोध सभामुख बनेका हुन्।
संघीय संसद् सचिवालयका प्रवक्ता सहसचिव एकराम गिरीले सभामुख पदका लागि अर्यालको मात्र उम्मेदवारी परेको जानकारी दिए।
तर, उनलाई आधिकारिक रुपमा सभामुख भने घोषणा गर्न बाँकी छ। आइतबार बिहान ११ बजे बस्ने प्रतिनिधि सभाबाट उनी औपचारिक रूपमा सभामुख चयन भएको घोषणा हुनेछ।
