काठमाडौं। काठमाडौँ जिल्ला अदालतले पूर्व प्रधानमन्त्री केपी शर्मा ओली र पूर्व गृहमन्त्री रमेश लेखकलाई थप दुई दिन हिरासतमा राख्न अनुमति दिएको छ।
उनीहरू दुबै जनलाई प्रहरीले गत चैत १४ गते पक्राउ गरेको थियो।
जेन-जी आन्दोलनको जाँचबुझ गर्न गठित उच्चस्तरीय समितिको अध्ययन प्रतिवेदनको सिफारिसका आधारमा छानबिन गर्न भन्दै प्रहरीले ओली र लेखकलाई पक्राउ गरेर अनुसन्धान गरिरहेको छ।
काठमाडौँ जिल्ला अदालतले थप दुई दिन हिरासतमा राख्न अनुमति दिएसँगै अब शनिबार सम्म उनीहरू दुबै जनालाई प्रहरीले अनुसन्धानका लागि हिरासतमा राख्न पाउने छ।
प्रहरीले बिहीबार दुबै जनालाई भर्चुअल रुपमा जिल्ला अदालतमा बयानमा सहभागी गराएको थियो।
