काठमाडौँ। पूर्व प्रधानमन्त्री केपी शर्मा ओली र पूर्व गृहमन्त्री रमेश लेखकलाई प्रहरीले भद्रकालीस्थित जिल्ला प्रहरी परिसर काठमाडौँमा पुर्यएको छ।
प्रहरीले शनिबार बिहानै ओली र लेखकलाई उनीहरूको भक्तपुरस्थित निवासबाटै पक्राउ गरेको थियो। पक्राउपछि ओली र लेखकलाई काठमाडौं प्रहरी परिसर भद्रकाली पुर्याइएको हो।
भदौ २३ र २४ मा भएको जेनजी प्रदर्शनबारे जाँचबुझ गर्न गठित गौरीबहादुर कार्की नेतृत्वको आयोगले पूर्व प्रधानमन्त्री ओली र लेखक सहित केन्द्रीय सुरक्षा समितिका पदाधिकारीलाई फौजदारी मुद्दामा अनुसन्धान गर्न सिफारिस गरेको थियो। सोही विषयमा अनुसन्धान गर्न उनीहरूलाई पक्राउ गरिएको प्रहरीले जनाएको छ।
