काठमाडौं। नेपालको ४२ औं प्रधानमन्त्रीका रुपमा शुशिला कार्कीले पद तथा गोपनियताको सपथ लिएकी छन्।
शीतनिवासमा आयोजित विशेष समारोहमा उनले शुक्रबार राति राष्ट्रपति रामचन्द्र पौडेलबाट शपथ लिएकी हुन्।
राष्ट्रपति पौडेलले आज साँझ नै कार्कीलाई प्रधानमन्त्री पदमा नियुक्त गरेका थिए।
कार्कीलाई प्रधानमन्त्री बनाउन राष्ट्रपतिले संविधानको धारा ६१ लाई टेकेका छन्। उक्त धाराको उपधारा (४) मा राष्ट्रपतिले नेपालको राष्ट्रिय एकताको प्रवर्द्धन गर्ने, संविधानको पालन र संरक्षण गर्नु राष्ट्रपतिको प्रमुख कर्तव्य हुने उल्लेख छ।
त्यस्तै उपधारा (३) मा राष्ट्रपतिले नेपालको राष्ट्रिय एकताको प्रवर्द्धन गर्ने भनिएको छ। यी दुवै धारालाई आधार बनाएर कार्कीलाई प्रधानमन्त्री बनाइएको हो।
