काठमाडौं। नेपाली सेनाले काठमाडौंमा उपत्यकामा निषेधाज्ञा तथा कर्फ्युको समय थप गरेको छ।
नेपाली सेनाले २६ गते बिहान १० देखि ५ बजेसम्म र बेलुकी ७ बजेदेखि २७ गते बिहान ६ बजेसम्मका लागि निषेधाज्ञा तथा कर्फ्यु लागू हुने जनाएको छ।
पछिल्लो सुरक्षा परिस्थितिको विश्लेषणका आधारमा नागरिकको जिउधनको सुरक्षाको लागि लगाइएको निषेधाज्ञा तथा कर्फ्यु क्रमबद्ध खुकुलो बनाउँदै लगिने सेनाले बताएको छ।
यस्तै यो बिचमा अत्यावश्यक सेवाका सवारी तथा संस्थाहरू भने सञ्चालन गर्न सकिने सेनाले जनाएको छ।
जारी आदेशमा जनजीवन सहज बनाउन दैनिक उपभोग्य वस्तु व्यवस्थापनका लागि २६ गते बिहान ६ देखि ९ बजेसम्म तथा साँझ ५ देखि ७ बजेसम्म खुल्ला रहने पनि सेनाले जनाएको छ। तर स–सानो समूहमा कार्य गर्न सेनाले आग्रह गरेको छ।
