हेटौंडा। बागमती प्रदेशको मुख्यमन्त्रीका लागि दाबी पेस भएको छ। नेपाली कांग्रेस संसदीय दलका नेता इन्द्रबहादुर बानियाँले मुख्यमन्त्रीमा आफ्नो दाबी पेस गरेका हुन्।
सोमबार (आज) नै नयाँ सरकार गठनको लागि प्रदेश प्रमुखको कार्यालयले आह्वान गरेको थियो। प्रदेश प्रमुखको कार्यालयले आह्वान गरे लगत्तै बानियाँले दाबी पेस गरेका हुन्।
बानियाँलाई मुख्यमन्त्रीमा नियुक्त गर्न कांग्रेसका ३७ र एमालेका २७ सांसदको हस्ताक्षर बुझाइएको छ।
कांग्रेस संसदीय दलका नेता बानियाँ र एमाले संसदीय दलका नेता जगन्नाथ थपलियाले प्रदेश प्रमुख दीपकप्रसाद देवकोटालाई दाबी पेस गरेका हुन्।
